Калядар гістарычных дат Навагрудчыны на 2006 год

760 гадоў назад (1246г.) па адной з версій, Міндоўг, прыняўшы ў Навагрудку праваслаўе, становіцца яго князем.
685 гадоў назад (1321г.) ў Навагрудку пабудаваны першы касцёл ордэна францысканцаў.
615 гадоў (1391г.) – з часу нападзення на Навагрудак крыжацкага войска пад кіраўніцтвам магістра Конрада Валенрода.
500 гадоў назад (1506г.) – з часу нападзення на Навагрудак войска крымскага султана Біты-Гірэя.
495 гадоў (1511, 26 ліпеня) з часу атрымання Навагрудкам Магдэбургскага права на самакіраванне
425 гадоў (1581г.) з часу ўтварэння ў Галоўнага Трыбунала - асноўнага апеляцыйнага суда ВКЛ. Кожныя два гады яго пасяджэнні адбываліся ў Навагрудку ў Замкавай царкве.
410 гадоў назад (1596г.) – з часу заключэння Брэсцкай царкоўнай уніі. Навагрудак становіцця рэзідэнцыяй уніяцкіх мітрапалітаў ВКЛ.
390 гадоў назад (1616г.) - пры Базыліянскім манастыры Навагрудка была адчынена школа.
380 гадоў назад (1626г.) - у Навагрудку была адкрыта езуіцкая місія.
300 гадоў назад (1706г.) - у час Паўночнай вайны (1700-1721 гг.) Навагрудак быў акупаваны шведскімім войскамі, якія ўзарвалі рэшткі Навагрудскага замка.
255 гадоў назад (1751г.) адбылося паўстанне гараджан, якія адмовіліся падпарадкоўвацца ўладзе ваяводы.
255 гадоў (1751г., 8 мая) з часу буйнейшага ў гісторыі Навагрудка пажару, які знішчыў 167 будынкаў, ратушу, канцэлярыю ваяводы, 4 касцёлы.
230 гадоў назад (1776г.) ў маёнтку Шчорсы завершана будаўніцтва палацава-паркавага ансамбля.
210 гадоў (1796г.) з дня нараджэння Яна Чачота - паэта і асветніка, імем якога названа вуліца ў г.Навагрудку.
175 гадоў назад (1831г ў Навагрудку адбыўся вялікі пажар, які знішчыў шэраг жылых будынкаў і пашкодзіў Дамініканскі касцёл, які пасля рамонту атрымаў сучасны знешні выгляд.
175 гадоў назад (1831г.) Навагрудчына далучылася да паўстання, якое ахапіла Польшчу, Літву і Беларусь.
175 гадоў (1831г.) з дня нараджэння Уладзіслава Борзабагатага - урача, палітычнага дзеяча і асветніка, імем якога названа вуліца ў г.Навагрудку.
160 гадоў назад (1846г.) Францыскаскі касцёл пераўтвораны ў прыходскую Свята- Мікалаеўскую царкву. Вуліца Францынсканская перайменавана ў Гродзенскую.
455 гадоў назад (1851г.) у Навагрудку адбыўся вялікі пажар, які знішчыў шэраг будынкаў па Гродзенскай вул., у тым ліку значна пашкодзіў Свята-Мікалаеўскую царкву. Пасля рамонту ў 1852г. яна атрымала сучасны знешні выгляд.
145 гадоў назад (1861г.) у Навггрудку налічвалася 6,3 тыс. жыхароў.
145 гадоў (1861г.) з часу скасавання ў Расійскай імперыі прыгоннага права.
125 гадоў назад (1881г.) у Навагрудку адбыўся вялікі пажар, у выніку якога згарэла шмат вайсковых магазінаў, 18 жылых будынкаў, у тым ліку дом Міцкевічаў.
95 гадоў (1911г.) з часу заснавання ў Навагрудку другой па ліку друкарні.
90 гадоў назад (1916г.) на Навагрудчыне пабудавана вузкакалейная чыгунка Любча-Наваельня.
85 гадоў назад (1921г.) па ўмовах Рыжскага мірнага дагавору Навагрудчына ўключана ў склад Польскай дзяржавы. З 17.03. 1921г. пачала працаваць Навагрудская ваяводская ўправа.
80 гадоў назад (1926г.) пачала працу Дзяляціцкая народная капэла, першым кіраўніком якой быў Рыгор Шырма.
75 гадаў (1931г.) з часу адкрыцця ў Навагрудку Кургана Адама Міцкевіча.
65 гадоў (1941г.) з часу пачатку Вялікай Айчыннай вайны. 4.07.1941г. г.Навагрудак захоплены нямецка-фашысцкімі войскамі.
50 гадоў назад (1956г.) звыш 100 механізатараў Навагрудчыны былі накіраваны на асваенне цалінных зямель у Паўладарскую вобласць Казахстана.
40 гадоў (1966г.) з часу ўтварэння Навагрудскага завода газавай апаратуры.

Каляндар склаў Мікалай Гайба.